Bodo Kontai(Poem) & Story

आरोबाव जेबोला ✍ सान राजा 11/09/2018 सोरगिदिं जेरावबो जेरै आंखौ मुगैदोंमोन गासैनिसिमबो खुगायावनो गुस्थि फेननायनि सोदोब आं खोनादोंमोन अब्ला आं सहायनो हाया हाया जालांदोंमोन बबेयावबा थैगारबायहैनोसो गोसोआ बोरदोंमोन। जावलिया गोर्बोआव बारहुंखा बारदोंमोन आंनि गोसोआ मानोबा उसु-खुथु मोनबायदोंमोन सानस्रिमोन गोसोआव आंनि- आंबो सानसे देलायस्रि जागोन बयखौबो मुहि होनो हानाय खालामगोन। खर' गिलिर गिलिर, बिखा गिलिर लाइमोन देरखोन-खोन देरखोन-खोन गुफुं सोलेर सानस्रि बागानमोन गोसो लैथोआव आंनि देलायस्रि देलायनानै आं रंजादोंमोन मिनिखैरो गोजोननि।